Bigg Boss Telugu: తప్పు చేస్తే శిక్ష అనుభవిస్తారు: బిగ్ బాస్ సెక్సువల్ ఫేవర్‌పై నాగ్ రియాక్షన్

సీజన్ 3పై వస్తున్న వరుస వివాదాలు.. క్యాస్టింగ్ కౌచ్ ఉదంతంపై తొలిసారి స్పందించారు బిగ్ బాస్ హోస్ట్ . ఆయన నటించిన ‘మన్మథుడు 2’ మూవీ ట్రైలర్ లాంఛ్‌లో భాగంగా మీడియా నుండి బిగ్ బాస్ కాంట్రివర్శిపై ప్రశ్నలు రావడంతో వాటిపై సమాధానం ఇచ్చారు నాగార్జున. ఆయన మాట్లాడుతూ.. ‘బిగ్ బాస్ ఎక్స్‌పీరియన్స్ సూపర్‌గా ఉంది. దీని గురించి ఎప్పుడు అడుగుతారా? అని ఎదురుచూస్తున్నా. మీలో ఎవరు కోటీశ్వరుడు చేస్తున్నప్పుడు ఒకేచోట బిగుసుకుని పోయి కూర్చోవల్సిన పరిస్థితి. ఇక్కడ ఓపెన్‌గా హ్యాపీనెస్‌తో ఏది కావాలంటే అది చేయొచ్చు. స్టేజ్ అంతా అటు ఇటు తిరగొచ్చు. ఇది గొప్ప అనుభూతి. అయినా ఒక్కవారమే కదా.. అయ్యింది బిగ్ బాస్ స్టార్ట్ అయ్యి. ఆ హౌస్‌లో ఏం జరుగుతున్నాయో ఏంటో.. అటు వెళ్లినప్పుడల్లా అనుకుంటా.. పాపం ఏం చేస్తున్నారో లోపల అని. కాంట్రవర్శీలకు దూరంగా ఉండే నేను బిగ్ బాస్‌పై వచ్చే కాంట్రవర్శీలకు కూడా దూరంగానే ఉన్నాను. బిగ్ బాస్ అనే రియాలిటీ షో 15 దేశాల్లో ప్రసారం అవుతుంది. హిందీలో ఏకంగా 12 సీజన్‌లు రన్ అవుతున్నాయి. తమిళ్‌లో మూడు, కన్నడ రెండు, మలయాళం నాలుగు, మరాఠీ రెండు, తెలుగులో ఇప్పుడు మూడో సీజన్ ప్రారంభమైంది. కాంట్రవర్శీ అనేది గాల్లోనుండి అలా పుట్టుకొస్తుంది. అది ఎలా వస్తుందన్నది నాకూ తెలియదు. కాని నేను ఒక్క విషయంలో చాలా హ్యాపీగా ఉన్నాను. హైకోర్ట్‌తో తెలంగాణ పోలీసులు ఈ వివాదాలపై ఇన్వెస్టిగేట్ చేస్తున్నారు. విచారణ అనంతరం ఏదైనా ఈ ఆరోపణలు నిజం అని తెలిస్తే తప్పకుండా శిక్షిస్తారు’ అంటూ తేల్చిచెప్పారు హీరో నాగార్జున. ఇదిలా ఉంటే.. నాగార్జున నటించిన ‘మన్మథుడు 2’ చిత్రం ఆగష్టు 9న ప్రేక్షకుల ముందుకు రానుంది. ఈ చిత్రంలో రకుల్ ప్రీత్ సింగ్ హీరోయిన్‌గా నటిస్తుండగా.. ‘చి.ల.సౌ’తో దర్శకుడిగా మారిన నటుడు రాహుల్ రవీంద్రన్.. రెండో సినిమా నాగార్జునతో చేశారు. మ‌నం ఎంట‌ర్‌ప్రైజెస్‌, ఆనంది ఆర్ట్స్‌, వ‌యకామ్ 18 స్టూడియోస్ ప‌తాకాలపై నాగార్జున అక్కినేని, పి.కిర‌ణ్(జెమిని కిర‌ణ్‌) ఈ చిత్రాన్ని నిర్మించారు. కీర్తి సురేష్, సమంతలు ఈ చిత్రంలో అతిథి పాత్రల్లో నటించడం విశేషం.