Bigg Boss Hema: హేమతో ‘స్టార్ మా’ కొత్త స్కెచ్.. తనీష్ బ్యాక్ విత్ బిగ్ బాస్

బిగ్ బాస్ సీజన్ 3ని చాలా పగడ్బందీగా ప్లాన్ చేసి ప్రసారం చేస్తోంది స్టార్ మా. ఆడిషన్స్‌లో భాగంగా కంటెస్టెంట్స్‌తో ముందే అగ్రిమెంట్ చేసుకున్న స్టార్ మా అందులో పలు కీలక విషయాలను పొందుపరిచారు. వాటికి అనుగుణంగా బిగ్ బాస్ ఇంటా.. బయటా కూడా మార్కెట్ ఫార్ములాను వర్కౌట్ చేస్తుంది. పై ఫొటో చూశాం కదా.. అందులో ఉన్నది , తనీష్. బిగ్ బాస్ సీజన్‌ 3లో తొలి ఎలిమినేట్ కంటెస్టెంట్ హేమను.. బిగ్ బాస్ సీజన్ 2 ఫైనలిస్ట్ తనీష్ ఇంటర్వ్యూ చేస్తున్నాడు. అసలు విషయం ఏంటంటే.. గత రెండు సీజన్లలో ఎలిమినేట్ అయిన కంటెస్టెంట్.. హౌస్ నుండి బయటకు రాగానే క్షణం తీరిక లేకుండా వరుస ఇంటర్వ్యూలతో టీవీలలో హల్ చల్ చేసేవారు. అసలే రియాలిటీ షో.. లోపల ఏం జరుగుతుందోనన్న ఆసక్తి ప్రేక్షకుల్లో ఉండటంతో వాళ్లు ఏం చెప్తారా? అని ఆడియన్స్ ఆసక్తిగా వారి ఇంటర్వ్యూలను చూసేశారు. దీంతో ఆయా ఛానల్స్‌కి టీఆర్పీ రేటింగ్ పెరిగేది. అయితే ఆ వచ్చే రేటింగ్ ఏదో మనమో తెచ్చుకుంటే పోలా.. అనుకుందో ఏమో కాని స్టార్ ఓ కొత్త ఆలోచనతో అడుగులు వేస్తూ.. మిగతా ఛానల్స్‌కి గట్టి షాక్ ఇచ్చింది. బిగ్ బాస్ ప్రసారానికి ముందు ఈ షోపై యుద్ధం ప్రకటించిన యాంకర్ శ్వేతా రెడ్డి, గాయత్రి గుప్తాలు.. బిగ్ బాస్ కండిషన్స్‌లో భాగంగా కొన్ని విషయాలను షేర్ చేశారు. ఇందులో వారు అగ్రిమెంట్ జరిగిన తరువాత 100 రోజుల పాటు.. మరి ఏ ఇతర ఛానల్స్‌లో ఇంటర్వ్యూలు ఇవ్వకూడదనే కండిషన్ ఉందని చెప్పారు. అయితే ఈ కండిషన్ పెట్టడం వెనుక వ్యూహాత్మకంగా వ్యవహరించింది స్టార్ మా. తమ ఛానల్ ప్రసారం చేసే షోపై ఇతర టీవీల్లో చర్చలు పెట్టి రేటింగ్ దండుకోవడంపై కొరడా ఝళిపిస్తూ ‘మా షో మా ఇంటర్వ్యూ’ అనేట్టుగా ఎలిమినేట్ అయిన కంటెస్టెంట్‌తో కేవలం స్టార్ మాలో మాత్రమే ఇంటర్వ్యూలను ప్రసారం చేస్తున్నారు. ఇందుకోసం సీజన్ 2లో ఫైనల్ వరకూ వెళ్లి థర్డ్ ప్లేస్‌తో సరిపెట్టేసిన తనీష్‌ను రంగంలోకి దింపి అతనికి మరో బిగ్ ఆఫర్ ఇచ్చారు. ఎలిమినేట్ అయిన కంటెస్టెంట్స్‌ను తనీష్ ఇంటర్వ్యూ చేస్తున్నారు. ఈ లెక్కన బిగ్ బాస్ అగ్రిమెంట్ అయిన 100 రోజుల పాటు ఇతర ఛానల్స్‌లో ఇంటర్వ్యూలు ఇవ్వకూడదనే నిబంధన ఉండటంతో హేమతో పాటు ఈవారం ఎలిమినేట్ అయ్యే కంటెస్టెంట్ కూడా కేవలం స్టార్ మాలో మాత్రమే ఇంటర్వ్యూలు ఇచ్చే ఛాన్స్ ఉంది. ఇతర ఛానల్స్‌కి ఇంటర్వ్యూ ఇస్తే బిగ్ బాస్ నిబంధనలు ఉల్లంఘించమే అవుతుంది కనుక అలాంటి ధైర్యం చేయకపోవచ్చు. మొత్తానికి మా షో మా ఇష్టం అన్నట్టుగా స్టార్ మా ఈ ఇంటర్వ్యూల విషయంలో చాలా వ్యూహాత్మకంగా వ్యవహరించి న్యూస్ ఛానల్స్‌కి దిమ్మతిరిగే షాక్ ఇచ్చినట్టయ్యింది స్టార్ మా. లేకపోతే ఎలిమినేట్ అయిన కంటెస్టెంట్స్‌ను ఏదో ప్రపంచ కప్ సాధించినట్టుగా వాళ్లతో గంటల తరబడి ఇంటర్వ్యూలు చేస్తూ చిరాకు పుట్టించేవి కొన్ని న్యూస్ ఛానల్స్. ఇప్పుడు స్టార్ మా వ్యూహాత్మక నిర్ణయంతో ప్రేక్షకులకు ఈ బాధ తప్పినట్టే.